Ndërgjegjësimi me Sigurinë Detare

Ky kurs trajnimi kërkohet për të gjithë pjesëtarët e ekuipazhit që shërbejnë në bordin e anijeve, për të cilët aplikohet Kodi ISPS. Këto rregulla kanë hyrë në fuqi dhe janë objekt inspektimi nga Kontrolli Shtetëror Portual (PSC), nga data: 1 Janar 2014.

Kohëzgjatja e Kursit: 2 ditë

Pjesëmarrja: Minimumi 4 persona në ditë.

Objektivat e kursit të trajnimit:

• Familiarizimi me çështjet e sigurisë detare;
• Përgatitje dhe ndërgjegjësim mbi sigurinë detare;

Me përfundimin e suksesshëm të kursit, kandidatët do të jenë mjaftueshëm të familiarizuar me çështjet e sigurisë detare dhe do të jenë më të ndërgjegjësuar me aspektet e sigurisë, gjatë qëndrimit në port, udhëtimit në det ose qëndrimit të anijes në spirancë. Ky informacion do t’i pajisë të gjithë detarët me Kompetencën standarde minimale, për familiarizimin me çështjet e sigurisë detare, sic është e specifikuar në Kodin ISPS, Kapitulli XI-2 Konventa Solas, në seksionin A-VI/6 Kodi STCW dhe në Modelin e Kursit të IMO-s, nr. 3.27. Qarkoria STCW 1998-001 (Përgjegjësitë e Kompanive), evidenton detyrat kryesore të Kompanive mbi kërkesat e Konventës STCW. Kjo Konventë është ndryshuar në vitin 2010 (në Manila, Fillipine) dhe disa nga këto kërkesat hyjnë në fuqi me datë: 1 Janar 2014.

Ne ofrojmë një kombinim të leksioneve, videove, programeve kompjuterike të trajnimit dhe perdorimin e simulatorëve, si dhe qasjes në internet online për të gjithë materialin, për të siguruar trajnim me cilësi të lartë dhe çertifikim të njohur stcw.